א פחד און א שרעק. דאס הארץ צאפלט מיט פחדים. אזוי פלוצלינג, אין אזא פרייליכער צייט ווען דאס בליץ האט באטראפן כלל ישראל אינמיטן העלן טאג. בליץ שנעל איז פארשפרייט געווארן די נאמען פון ׳יוסף יהושע בן פרומט בילא׳ לרפו״ש, א יונג בחור׳ל וועלכע געפינט זיך אין א קריטישן מצב און איז אנגעוואנדן אין רחמי שמים מרובים און תפילות ישראל.

מען בעט נישט קיין געלט. מען בעט נישט קיין גרויסע אונטערנעמונגען. אונזער ציל איז א פשוט׳ע און גרינגע: נעמט אייך אונטער עטליכע קאפיטלעך צו זאגן יעדן טאג בל״נ לרפואת ׳יוסף יהושע בן פרומט בילא׳, אז ער זאל געראטעוועט ווערן ממוות לחיים און זיך אומקערן לאיתנו בקרוב ממש.

מיט׳ן כוח פון די טויזענטער תפילות ישראל פונעם נעים זמירות ישראל וועלן מיר אינאיינעם אומקערן הבה״ח יוסף יהושע אין ישיבה אריין, און ברענגען נחת ושמחה פאר זיינע געטרייע עלטערן.

כאפט א מצוה! נעמט אייך אונטער פינף קאפיטלעך ביז זיין גענצליכן היילונג און לאמיר אינאיינעם בוקע זיין רקיעים!